Frantziako Gobernuak erretiroaren gutxieneko adina pixkanaka igotzea proposatu du, 62 urtetik 64ra 2030erako, pentsioen erreformarako plan zabal baten baitan. Egitasmoaren barne hartzen du erretiro osoa hartzeko behar den kotizazio-denbora areagotzea ere, 2027tik aurrera 43 urtera arte. Halaber, gutxieneko pentsioa hilean ia 1.200 Eurora ere igo nahi dute, urte honetan bertan hasita.
Erretiratzeko adina irailaren 1etik hiru hilabete igoko da, eta urtero antzeko igoerak izango dira, 2024an 64 urtera iritsi arte.
Bereziki nekagarritzat jotzen diren lanbide batzuk alde batera utzita, erretiroa % 100ean hartu ahal izateko kotizazioaren iraupena 43 urtekoa izango da 2027tik aurrera, eta ez 2035etik aurrera.
Era berean, erreforma horretan 58 eta 62 urte bitartean erretiro aurreratua hartzeko eskubidea izango dute 20 urte bete baino lehen formalki lanean hasi direnek.
Elisabeth Borne lehen ministroaren arabera, “oreka” bilatu nahi dute sisteman eta horretarako “beharrezkoa da langile aktiboen kotizazioek erretiratuen pentsioak finantzatzea”.
Hala ere, ezkerreko alderdiek eta sindikatuek erreformaren aurkako jarrera hartu dute eta protestak deitu dituzte datozen egunetarako.