Mikel Irujo Garapen Ekonomiko eta Enpresarialeko kontseilariak 2021-2024 bitarteko Nafarroako hirugarren Ekintzailetza Plana aurkeztu du gaur CEIN zentroan. Proiektu horrek 2024an % 5,6ko ekintzailetza-jarduera tasa lortzea du helburu, besteak beste. Merkatuan hiru urte eta erdiko tartean emandako ekintzailetza ekimenak neurtzen ditu Ekintzailetza-jarduera tasak( TEA, Total early-stage Entrepreneurial Activity ingelesez). 2021ean % 5,3koa izan zen.
Irujo kontseilariak nabarmendu duenez, "hirugarren plan honekin Nafarroari estrategia aurreratu bat eman nahi diogu, ekintzailetzak egungo produkzio-ereduaren eraldaketan funtsezko zeregina izango duen jokaleku batean lehiatzea ahalbidetuko duena".
Nafarroako enpresa aktiboen kopuruari dagokionez, planak Nafarroako enpresa-sarea sendotzea du helburu . Ematea enpresa horien tamaina handitzeari lehentasuna emango diote, lehiakortasunean eta enpleguaren sorreran duten trakzio-eraginagatik. 2021aren bukaeran 35.337 enpresa aktibo zeuden eta 2024rako 35.870 enpresa egotea lortu nahi du onartu berri den planak lortzea da. Era berean, ekintzaile potentzialen kopurua handitu nahi du planak. 2021ean % 8 izatetik 2024an % 9 izatera helduta.
Nafarroako Gobernuak aurkezten duen hirugarren plana da. Bigarren Ekintzailetza Planeko mugarri nagusien artean bi nabarmendu ziren. Alde batetik, % 88,9ko egikaritze-tasa lortu zen, hau da, diseinatutako 27 ekintzetatik 20 gainditu ziren. Eta, bestetik, aurrez ezarritako helburuak bete zituzten aurreikusitako ekintzen ehunekoa neurtzen duen betetze-tasa % 81,5ekoa izan zen.