First Lego League Euskadiren finala ospatuko da larunbat honetan, martxoaren 2an, Bilbon eta Donostian, Berrikuntzaren Euskal Agentzia-Innobasquek eta Deustuko unibertsitateak antolatuta. Steam bokazioei bultzada emateko sortu zen programa, eta, aurten 15. edizioa izango du.
Bilboko campuseko egoitzak Bizkaia osoko 16 zentrotako 43 talde bilduko ditu (23 Challenge + 20 Explore). Bestalde, Deustuko campuseko Donostiako egoitzan, Bizkaitik eta Gipuzkoatik datozen 18 zentrotako 39 talde lehiatuko dira (22 Challenge + 17 Explore).
Bilboko finala hainbat enpresa eta erakundeen babesarekin egingo da, hala nola Iberdrola, BBK eta Bilbao Ekintza-Bilboko Udala. Gainera, Drone by Drone, Ausolan eta Alzola enpresen laguntza ere izango du ekitaldiak. Horrez gain, 85 boluntariok parte hartu dute. Hitzordua 10:00etatik 16:00etara izango da Xabier Kirolgunean.
Donostiako finalari dagokionez, Donostiako Sustapenaren babesa izango du, CAF, Salto Wecosystem eta Doplay, Ausolan eta Alzolaren enpresekin batera. Antolaketan 130 boluntariok baino gehiagok parte hartu dute, eta Larramendi Eraikineko kiroldegiko kantxan 10:00etatik aurrera egingo den jardunaldian jarduera ugari eta OpenGune standak egingo dira.