Industria, Merkataritza eta Turismo Ministerioak gaur eman ditu argitara Merkataritza Sari Nazionalak. Euskal Autonomia Erkidegoko 7 ekimen saritu dituzte, horien artean Gasteiz On merkatari-elkartea eta Zumarragako Udala. Lehenak, Merkataritza Merkatu Irekiaren Sari Nazionala jaso du, eta Zumarragako Udalak 25.000 biztanle baino gutxiagoko udalen Sari Nazionala.
2 sari nazionalez gain, Euskal Autonomia Erkidegoko beste 5 elkartek eta saltokik ohorezko accesitak eta aipamenak jaso dituzte:
Ohorezko accesitak:
- Pukas Surf Donostia (Gipuzkoa).
- Laudioko (Araba) Merkatari eta Industria Txikien Elkartea (APILL).
Ohorezko aipamenak:
- Bilboko (Bizkaia) Encajeros Hijos Sucesores de Manuel Mendoza SA.
- Donostiako (Gipuzkoa) Perfumería Benegas SL.
- Guardiako (Araba) Enpresak Dinamizatzeko Elkartea.
Javier Hurtado Turismo, Merkataritza eta Turismoko sailburuak zorionak eman dizkie sarituei, eta gogorarazi du sari nazionalek hiri-berrikuntzan, merkataritza-garapenean eta -modernizazioan eta merkataritza-asoziazionismoan egindako jarduera garrantzitsuak aintzatesten dituztela.