Eustaten arabera, Araba, Bizkaia eta Gipuzkoako hotelen sarrerak %4,4 handitu dira otsailean, iazko epe berarekin alderatuz gero. Urtetik urtera, bisitariek igarotako gaualdi kopuruak ere, zertxobait igo dira (%1,9). Zehazki, otsailean zenbatutako 222.106 sarreretan 408.489 gaualdi egin dira.
Sarrera guztietatik %34,8 atzerritarrenak izan dira, iazko epe berean baino %14,5 gehiago. Era berean, atzerritarren sarrerak %33,7 izan dira, iazko otsailean baino %7,8 gehiago.
Lurraldeka, Arabak izan du sarreretan eta gaualdietan hazkunde handiena. %5,9 hazi dira bisitariak urtetik urtera, eta gaualdiak, %8,6. Gipuzkoan, hoteletako sarrerak ere gora egin dute (%5,6), baita gaualdiek ere (%4,9). Bizkaian, sarreren %2,8 gora egin arren, gaualdi kopuruak behera egin du, %2,9, hain zuzen ere.
EAEko hoteletako batez besteko egonaldia 1,84 egunekoa izan da 2024ko otsailean, aurreko urteko hil berean baino zertxobait txikiagoa (1,88 egun). Betetze-maila %44koa izan da 2024ko otsailean, plazen arabera neurtuta, eta %54,8koa logelen arabera neurtuta. 2023ko otsailarekin alderatuta, 0,7 puntuko jaitsiera izan da bi aldagaietan.