
Innobasque Berrikuntzaren Euskal Agentziak berrikuntza-kasu praktikoen deialdia zabaldu du aurten ere, EAEn garatutako esperientzia errealak 2025eko Global Innovation Day ekitaldian aurkezteko. Hamalaugarren edizioa izango da aurtengoa, eta azaroaren 5ean egingo da Donostian, Zientziatik berrikuntzara lelopean.
Deialdiaren helburua da zientzia eta ezagutza teknologikoa abiapuntu izanik, inpaktu nabarmena duten produktu, prozesu edota antolaketa-ereduak identifikatzea. Hautatutako proposamenek ekitaldiaren programa ofizialean parte hartuko dute, berrikuntzaren eta zientziaren arteko loturaren eredu gisa.
Innobasquek sektore guztietako erakundeei zuzendu die deialdia, publiko zein pribatu, eta ez du mugarik jarri erakundeen tamainari edo jarduera-arloari dagokionez. Hautagaitzak irailaren 22ra arte aurkez daitezke, zeinak urriaren 17ra arte ebaluatuko diren; urriaren 20an emango zaie erantzuna hautatutako kasuei.