Teknologia berriek pertsonak konektatzea ahalbidetu dute, inoiz ez bezala. Distantziak jada ez da arazo, nahiz eta denok etxean itxita egon pandemiaren erruz, gure inguruarekin harremanetan egoten jarraitu ahalbidetu zituen sare sozialak. Ligatzeko eta jendea ezagutzeko modua ere iraultza jasaten ari da interneta masiboki iritsi zenetik. Ligatzeko webguneen eta aplikazioen merkatuak gora egin du azken urteotan, eta LGTBI kolektiboarentzako aplikazio bat Wall Streeten kotizatzeko zorian dago: Grindr
2009an sortut zen, eta Android eta iOS gailuetarako eskuragarri dago. Kokapenaren bidez, erabiltzaileek aplikazioan erregistraturiko eta gertu dauden beste erabiltzaileak ikus ditzakete. Gaur egun, hilean 10 milioi erabiltzaile aktibo baino gehiago ditu, eta horietako milioi erdi baino gehiago Premium aukerara harpidetuta daude. Grindren dagoen publikoa aldatu egin da azken urteotan: hasiera batean gizonentzat bazen ere, egun LGTBI kolektiboko edozeinek erabili dezake. Erabiltzaileek, batez beste, 30 urte dituzte, eta, beraz, oso publiko gaztea da.
The Wall Street Journal egunkariari esker jakin da 2017tik 2020ra bitartean Grindrek erabiltzaileen informazio konfidentziala saldu ziela hirugarren enpresei
Grindrek duela aste gutxi iragarri zuen 2022ko bigarren erdian Wall Streeteko burtsan 2.100 milioi dolarreko balioarekin kotizatzen hasiko dela. Elkarteak agindu du administrazio-kontseilua LGTBI kolektiboko pertsonek osatuko dutela kopuru handi batean. Grindrek burtsara ateratzeko erabakiaren berri izan den aldi berean, The Wall Street Journal egunkariari esker jakin da 2017tik 2020ra bitartean Grindrek erabiltzaileen informazio konfidentziala saldu ziela hirugarren enpresei, publizitatea hobetzeko eta errentagarriagoak izateko. Egunkariaren arabera, LGTBI kolektiboari zuzendutako aplikazioaren erabiltzailen mugimendu zehatzak zein informazio delikatua partekatzen zuen. Erabiltzaileen pribatutasuna arriskuan jartzeaz gain, arrisku fisikoan jarri zituzten. Izan ere, euren orientazio sexualagatik munduko herrialde askotan ez daude onartuak, eta kartzela zigorrak ere jaso ditzakete. Beste aplikazio batzuk ere polemika sortu dute zentzu horretan, besteak beste aplikazio bat doakoa izateak pentsatzera ematen duelako agian produktua erabiltzaile bera izan litekeela.
Ligatzeko euskal aplikazioa
Euskal Herrian ligatzea zaila dela dioen mitoari eutsi diote askok, eta errealitatetzat jotzen da egun ere. 2007an, Steve Jobsek iPhone-a lehen aldiz aurkeztu zuen urte berean, Iñigo Arandiak KaixoMaitia aipu-webgunea sortu zuen, nahiz eta proiektua 2003. urtetik pentsatuta izan. Erresuma Batuan bizi zela, Arandiak telebista kate ingeles bat sintonizatu zuen: "Zita webgune bat sortzeko ideia, porno industriari buruzko dokumental bat ikusten ari nintzela sortu zen", kontatu du Arandiak. "Garai hartan, Erresuma Batuan existitzen ziren aipu-web bat atera zen", gehitu du. Euskal Herrira itzultzean, Arandiak beharra ikusi zuen euskara hutseko hitzorduen webgune bat sortzeko, euskaldunentzat. Hain zuzen, Grindr eta Tinderrek ez bezala, KaixoMaitiak web-bertsioa eta aplikazio mugikorra ditu. Egun, 8.000 erabiltzailek baino gehiagok erabiltzen dute euskal sare soziala ligatzeko.
Iñigo Arandia: "Zita webgune bat sortzeko ideia, porno industriari buruzko dokumental bat ikusten ari nintzela sortu zen”
Funtzionamenduari dagokionez, KaixoMaitia edozein sexu-orientazioko pertsonentzat irekita dago, bai pertsona heterosexualentzat, bai LGTBI kolektibokoentzat. Zentzu horretan, Tinder bezalakoa da. Arandiaren ustez, Euskal Herrian jendea zuhurragoa da ligatzeko orduan. “Kulturalki euskaldunak itxiagoak gara, eta horrek eragina du ligatzeko orduan", dio. "KaixoMaitian argi ikusten da jende askok ez duela bere argazkia profilean jarri nahi”, gehitu du.
Grindrek datuak saltzeko duen eskandaluaz galdetuta, KaixoMaitiaren sortzaileak esan du beraiek ez dutela inolako daturik saltzen, eta elkarrizketak erabat zifratuak direla. KaixoMaitia harpidetzei esker finantzatzen da, sare sozialean profil bat izateko beharrezkoa delako, baita dirulaguntzei esker ere, Eusko Jaurlaritzak eta Gipuzkoako Foru Aldundiak emandakoak. “Erabiltzaile gehienak 40 urtekoak dira batez beste, eta azken urteotan 55 urtetik gorakoen artean gorakada ikusi dugu”, adierazi du. Sare sozialean aktiboen diren euskaldunak gipuzkoarrak dira, eta ondoren bizkaitarrak. KaixoMaitiatik ziurtatu dute harpidetza eredu baten alde egiten jarraituko dutela, eta epe laburrean ez dutela planteatzen doako bertsio bat ateratzea, publizitatearekin.
Duela urte batzuk ligatzeko aplikazioei buruz zeuden tabuak amaitzen ari direla dirudi. Gazte gehienek dute profil bat sare sozial mota horietan, eta gero eta konektatuago dagoen mundu batean, ligatzeko beste aukera bat bihurtu da.