Almotech oinarri teknologikoko start-up nafarrak Kickstarterren diru bilketa kanpaina bat abian jarriko duela iragarri du, Yenxa izeneko bere produktua finantzatzeko. Erabilitako olio begetaletik xaboi mota desberdinak fabrikatzeko konpainiak diseinatu eta garatu duen etxetresna txikia da Yenxa. Zehazki, kanpaina ekainaren 5ean irekiko da eta uztailaren 2ra arte egongo da zabalik.
Mugarri hori Ana Martínez Tanco eta Javier Vidorreta buru dituen enpresaren azkenaldiko lorpenei gehitu behar zaie, 2022ko abenduan 275.000 euroko inbertsio erronda itxi baitzuten. Sustatzaileek azaldu dutenez, diru kopuru hori, batez ere, aipatutako gailuaren garapenak, moldeen ekoizpena eta merkaturatzeko gutxieneko stock bat amaitzeko erabili zuten.
Talde sustatzailea hiru pertsonak osatzen dute, arlo teknikoan, finantzarioan, merkataritzan, eta kudeaketan esperientzia eta profil osagarriak dituzten emakume batek eta bi gizonek. Halaber, Almotechek bere egungo plantilla hirutik zortzira handitzea aurreikusten du 2024rako, produktua finkatuta dagoenean eta ezarri berri duten berdintasun planari jaramon eginez.