Material birziklagarria erosi eta saltzeko plataforma sortu zuen ScrapAdek 2020an, eta jada ia ehun herrialdetako 2.700 enpresa ditu izena emanda bertan. Negozioaren hazkundearekin jarraitzeko asmoz, Indi Partners eta Berge y Cia erakundeekin bost milioi euroko finantzazio erronda adostu berri du.
Eman izena EnpresaBIDEA eta zure helbidean jasoko dituzu berrikuntzarekin lotutako historiak. Gainera, soilik harpidedunentzako hainbat abantailaren berri izango duzu
Modu honetara, ScrapAdek jakinarazi duenez, "sendotasun ekonomikoa" eskuratu du, eta hurrengo urteetarako hedatze prozesuarekin jarraitzeko aukera emango dio kapital honek.
Hiru arlo nagusitan indartzeko erabiliko da finantzazioa: nazioarteko hainbat herrialdetara hedatzeko, produktu teknologikoaren garapenerako eta profesional berriak kontratatzeko.