Nafarroako Gobernuak hurrengo urteko gastu muga zehaztu du gaur. Gobernu kontseiluaren osteko agerraldian azaldu dutenez, 5.742,7 milioi euroko gastu muga ezarriko dute 2024rako, aurten ezarritakoa baino %9,6 gehiago, hau da, 504 milioi euro gehiago.
Jose Luis Arasti Ekonomia eta Ogasun kontseilariak azaldu duenez, egonkortasunaren aldeko apustua egin dute, eta gastu sozialari eta baliabide publikoak hobetzeari eman diote lehentasuna. Halaber, Arastiren arabera, Tokiko Ogasunen Funtsara bideratuta gastuak eta estatuari ordaindu beharreko ekarpena kenduta, hurrengo urteko gastu muga 4.509,9 milioi eurokoa izango da, 2023koa baino %6,7 handiagoa.
Datorren urteko aurrekontuei begira, lurraldeko BPGa 2024an %1,3 haztea aurreikusten dutela ere jakinarazi du kontseilariak, eta inflazioa %3,4ko izatea espero dute.