2025eko apirilaren 15a
Eg.
2025eko apirilaren 15a
Inoiz baino bidaiari gehiago pasa dira martxoan Bilboko aireportutik: 530.744 pertsona; aurreko urteko hilabete berean baino %4,6 gehiago dira horiek. Kontuan hartuta aurreko urtean Aste Santua martxoan izan zela eta aurten apirilean, gorakada are esanguratsuagoa da.
Gasteizko Forondako aireportuak ere aurreko urteko zifrak gainditu ditu, %0,7ko hazkundearekin eta 17.638 bisitarirekin. Hondarribian izan da gorakadarik nabarmenena, iaz baino %8,4 bidaiari gehiago pasa baitira aireportutik; hots, 37.000 pertsona.
Bidaiari kopuruaz gain, urtarriletik martxora bitartean gora egin du aireratzeen eta lurreratzeen kopuruak: iaz baino %3 gehiago izan dira Bilbon, %2,1 Forondan eta %5,9 Hondarribian.