37 urteko behargin bat larri zauritu da gaur goizean Urdiaingo (Nafarroa) lantegi batean izandako lan istripuan. Ezbeharra goizeko 8:00ak inguruan jazo da. SOS Nafarroako larrialdi zerbitzuek abisua jaso eta mediku talde bat bertaratu da. Foruzaingoa ere istripuaren lekura gerturatu da eta gertatutakoa aztertzeko ikerketa abiatu du.
Langileari esku bat harrapatuta geratu zaio lantegiko makina batean eta bi hatz galdu ditu. Behargina Altsasuko erietxean artatu dute, eta, ondoren, anbulantzia medikalizatuan bidali dute Nafarroako Unibertsitate Ospitalera.
Elizondon ere beste lan istripu bat izan da gaur goizean. Eraikuntzarako materialen enpresa batean 21 urteko gizonezkoak kolpea jaso du buruan eta Nafarroako Unibertsitate Ospitalera eraman dute.