Bizkaiko Ogasunak 3.987,2 milioi euro bildu zergetan apirilera arte, 2025eko aldi berean baino 143,5 milioi gehiago (%3,7ko igoera). Aldundiak jakinarazi duenez, apirilaren 30erako 2026ko aurrekontuan ezarritako kopuruaren %36,6 bildu du (10.891 milioi euro) dagoeneko.
Zuzeneko zergen bidez 2.098,3 milioi euro bildu ditu, hau da, aurreko urtean baino 94,6 milioi gehiago (%4,7). PFEZren bidez %6,1 gehiago jaso ditu (98,6 milioi euro gehiago); guztira 1.707,2 milioi.
Halaber, Sozietateen gaineko zergaren bidez 2.88,1 milioi euro bildu dira, iazko epe berean baino % 5,8 gehiago, eta gainerako zuzeneko zergen bidez %16,1 gutxiago bildu da, 19,7 milioi gutxiago, hain zuzen.
Zeharkako zergei dagokienez, 1.616 milioi euro bildu ditu ogasunak apirilera bitartean, hau da, iaz baino %3,8 gehiago, nahiz eta aldundiak kudeatzen duen BEZaren bidez gutxiago bildu: 1.284,1 milioi euro, 2025eko apirilera arte baino 22,5 milioi gutxiago.