Eustatek eskainitako azken datuen arabera, Euskal Autonomia Erkidegoko eraikuntza jarduera hazi egin da azken hilabeteetan. Zehazki, 2026ko bigarren hiruhilekoan, urtebete lehenagoko epe berean baino %2,7 handiagoa izan da jarduera. Azpisektoreka, eraikingintza %3,4 handitu da, eta ingeniaritza zibila %0,9.
Urteko lehen hiruhilekoarekin erkatuz gero, sektoreko jarduera %2,6 hazi da azken hiru hilabeteetan; eraikingintza %2,5 eta ingeniaritza zibila %3,1.
Lurraldeka, halaber, %3,6 igo da Bizkaian, %3 Araban eta %1,2 Gipuzkoan, urte artean. 2026ko lehen hiruhilekoaren aldean, berriz, %3 egin du gora Bizkaian, %2,2 Gipuzkoan eta %2 Araban.
Enpleguari dagokionez, langile okupatuen indizea aurreko urteko hiruhileko berean baino %2,3 altuagoa izan da; 2026ko lehenengo hiruhilekoaren aldean, %1,6 igo da.
Gehitu EnpresaBIDEA Google-ren iturri hobetsi gisa doan
Egon zaitez azken berriekin informatuta