Euskal Autonomia Erkidegoan 25.300 lanpostu berri sortuko dira udako kanpainan, duela urtebete baino %9 gehiago (23.215 kontratu), Randstad etxeak egindako ikerketa baten arabera. Lurraldeka, Bizkaian 11.365 kontratu berri gehiago sinatuko dira (aurreko urtean baino %7,3 gehiago), Gipuzkoan 8.645 (%11,4) eta Araban 5.290 (%8,4).
Espainiar estatuan, udako kanpainak 600.000 kontratu inguru sortuko dituela aurreikusten du Randstadek, aurreko urtean baino %12,4 gehiago, orduan 533.133 sinatu baitziren, eta duela hamar urte baino %56 gehiago. Kontratu horien %40 hoteletan eta jatetxeetan sinatuko dira. Garraioan eta logistikan %38 izango dira, merkataritzan %17 eta aisia eta entretenimendu sektorean ia %4.
Jesus Fernández Randstad etxeko kideak adierazi duenez, uda honetarako aurreikuspenak "joera positibo argia" erakusten du lan-merkatuan, eta funtsezko sektoreen "susperraldia eta dinamismoa" islatzen dute, hala nola ostalaritzarena, merkataritzarena, garraioarena eta logistikarena. "Eskaera horrek enplegu-aukerak emateaz gain, ekonomia nazionala ere bultzatzen du", gaineratu du.
Gehitu EnpresaBIDEA Google-ren iturri hobetsi gisa doan
Egon zaitez azken berriekin informatuta