Aztik gidatu eta koordinatuta, 30 bat eragilek egin dute bat ECOFOOD S3 PERTE Ekonomia Berreskuratzeko eta Eraldatzeko Proiektu Estrategikoarekin, Food 4 Future azokan atzo aurkeztu zutena. Eragileak Espainiako elikagai industriako balio kate osokoak dira, eta helburu dute Next Generation berreskuratze-programako funtsak erakartzea sektore "iraunkor", "seguru" eta "osasungarria" lortzeko.
Horretarako, hainbat erronka finkatu dituzte, besteak beste partzuergoarekin bat egin duten eragile guztiek murriztea ingurumen-inpaktua, gardentasuna sustatzea elikagaien trazabilitateari eta segurtasunari dagokionez, eta enpresetako eta balio kateetako digitalizazio-prozesuak modernizatzea. "Proiektuak sektorea eraldatzeko apustua egiten du, bai jasangarritasunaren ikuspegitik, bai digitalizazioaren ikuspegitik, balio-kate osoaren lehiakortasuna hobetuz, enpresa-jarduera indibidualak eta kolektiboak sustatuz", nabarmendu du Carolina Najar AZTIko elikadura-zuzendariak.
Partzuergoko komunitatea zenbait lanketa egiten aritu da 2021ean, besteak beste sektoreak behar dituen eraldaketa proiektuak diseinatzen, elikagaien lehiakortasunaz gain, aipatutako iraunkortasuna, trazabilitatea eta segurtasuna bermatzeko.
Gehitu EnpresaBIDEA Google-ren iturri hobetsi gisa doan
Egon zaitez azken berriekin informatuta