Eusko Jaurlaritzak, Finantzen Euskal Institutuaren bidez, Ekarpen funtsari 26 milioi euroko ekarpena egitea onartu du gaur. Diru kopuru hori Talgoren erreskate operazioari lotutako mailegu bat errazteko 75 milioiko kapital handitzearen parte da. Helburua da tren enpresak bere finantzaketa indartu ahal izatea une zail honetan, enpresaren zor-maila handia dela eta.
Ekarpen funtsean parte hartzen dute Mondragonek, Kutxabankek eta foru aldundiek, eta 75 milioi horiek bideratzeko ardura izango dute funtsaren bitartez, hain zuzen, Espainiako Estatuak bezalaxe. Izan ere, Espainiako Estatuak ere, SEPIren bitartez, antzeko kopurua inbertituko duela zehaztu du: 45 milioi euro kapital zabalkuntzan (akziodunen ia %8 lortzeko) eta beste 30 milioi kreditu bihurgarrian; hau da, orotara, 75 milioi euro.
Hala, Ekarpen funtsaren eta SEPIren babes ekonomikoaren laguntzarekin Talgoren bideragarritasunari eutsi nahi zaio, etapa berri bati hasiera ematen zaion bitartean.