2025eko maiatzaren 13a
Mikel Amundarain Leibar Europako Energia Agentzien Elkarteko (FEDARENE) presidenteorde izendatuko dute Bruselan, ostegunean, FEDARENEren Batzar Nagusian. Hori baino lehen, bihar, Federazioaren Zuzendaritza Batzordean parte hartuko du Amundarainek.
Egun Energien Euskal Erakundeko zuzendari nagusia da Amundarain, baina azken legealdietan Eusko Jaurlaritzan bestelako karguak ere izan ditu: Industria Garatzeko zuzendaria, Industriaren eta Energia Trantsizioaren zuzendaria, baita Industria sailburuordea ere. Amundarainek EHUn egin zituen Ekonomia ikasketak eta masterra, eta ESIC Negozio eta Marketin Eskolan ere izan zen.