Nafarroako ekonomiak moteltzen jarraitzen du. Hala islatzen dute Nastatek gaur jakinarazi dituen datuek: 2023ko bigarren hiruhilekoko BPGa %0,3 hazi da aurreko hiruhilekotik, eta %2 iazko epe beretik. Alegia, aurreratutako datuan esperotako baino hamarren bat gutxiago egin du gora.
Sektoreka erreparatuz gero, denek egin dute gora. Kasu esanguratsuenak dira nekazaritza, merkatu-zerbitzuak eta zerbitzuak, %3,5, %2,9 eta %2,4 hazi baitira hurrenez hurren. Industria berriro ere hazi egin da, zehazi, %1,3. Aurreko hiruhilekotik, ordea, %4,2 egin du behera.
Etxeetako gastuak apur bat egin du behera, baina hazkundean mantentzen da oraindik ere, %3,2an. Administrazio publikoan %1,7ko hazkundea izan da, eta, eta enpresen inbertsioetakoa %1,4. Bestalde, autonomo eta enpresen ordainsariak gehiago hazi dira (%6,9), soldatak baino (%6).