INE estatistika erakundeak etxebizitzen prezioei buruzko datuak argitaratu ditu, 2026ko lehen hiruhilekoari dagozkion, eta horien arabera, prezioek nabarmen gora egin dute Hego Euskal Herri osoan. Igoera hori etxebizitza berrietan zein bigarren eskukoetan gertatu da.
Urte arteko alderaketan, etxebizitza berriak %6,2 garestitu dira Nafarroan eta %4,9 EAEn. Hala ere, igoerarik nabarmenena bigarren eskuko etxebizitzetan izan da: %12,8ko gorakada Nafarroan eta %11,4koa EAEn. Ondorioz, etxebizitzen batez besteko prezioa iazko aldi berarekin alderatuta %10 inguruan igo da: %10,5 Nafarroan eta %10,3 EAEn.
2025eko azken hiruhilekoarekin alderatuta ere, prezioek goranzko joerari eutsi diote. Kasu horretan, etxebizitza berriek izan dute igoerarik handiena (%3,8 Nafarroan eta %4,0 EAEn), eta bigarren eskukoak ere garestitu dira (%3,0 Hego Euskal Herrian).