INE Espainiako Estatistika Institutuak gaur eman ditu argitara etxebizitzen prezioaren inguruko hainbat datu, eta goranzko joerarekin jarraitzen duela ageriko geratu da. Etxebizitzak gehiago garestitzen ari dira Hego Euskal Herrian, %1,1 igo baita etxebizitzaren prezioa azken hiruhilekoan Nafarroan, eta %1,5 berriz, Araban, Bizkaian eta Gipuzkoan.
Urte arteko alderaketa eginez gero, prezioen igoera nabarmenagoa da. Izan ere, iazko bigarren hiruhilekoan baino %5,6 garestiago daude etxebizitzak Nafarroan, eta %3 beste hiru lurraldeetan.
Etxebizitza motari dagokionez, etxebizitza berriak %2,2 garestituta dira azken hiru hilabeteetan Nafarroan, bigarren eskukoak berriz, %0,6. Araban, Bizkaian eta Gipuzkoan etxebizitza berrien prezioak %0,9 egin du gora eta bigarren eskukoak %1,6.
Estatu mailan, urte arteko hazkundea %3,6koa izan da, eta azken hiruhilekoan %2,1 garestitu dira etxebizitzak.