2023ko urriaren 16a - 11:10
Eg.
2023ko urriaren 16a - 12:16
2023ko bigarren hiruhilekotik hirugarrenera %0,2 hazi da Arabako, Bizkaiko eta Gipuzkoako BPGa. Iazko hirugarren hiruhilekoarekin alderatuta aldiz, %1,6ko hazkundea izan du BPGak azken hiru hilabeteotan. Hazten, beraz, hazten ari da BPGa, baina joera moteltzen ari da.
Eustatek eman ditu gaur datuak argitara. Enpleguari dagokionez, %0,4 hazi da 2023ko hirugarren hiruhilekoan, bigarren hiruhilekoarekin alderatuz gero. Bederatzigarren aldiz segidan hazi da enplegua hiruhilekoz hiruhileko, eta iazko epe berarekin alderatuta, %1,6 egin du gora.
Eustatek jakinarazi duenez, abenduaren 1ean emango du informazio osatuagoa, orduan izango baititu orain eskura ez dituen beste zenbait datu.