Ekainean, iaz baino etxebizitza hipoteka gehiago sinatu dira EAEn, %24ko hazkundearekin; Nafarroan, ordea, zenbatekoa %0,7 txikitu da. Hain zuzen ere, INE erakundeak argitaratutako datuek diote 1.922 eragiketa zenbatu direla EAEn, eta beste 418 Nafarroan. Aurreko hilabetearekin alderatuta, Nafarroan %19,9 hipoteka gutxiago sinatu dira eta EAEn ez da aldaketarik izan.
Hala, EAEren kasuan etxebizitzen gaineko hipotekentzako 313,9 milioi euro mailegatu ziren ekainean, urte arteko %31,69ko hazkundearekin. Nafarroaren kasuan ere iaz baino diru gehiago mailegatu da, hots, 59,7 milioi euro (+%8,6).
Sinatu diren hipoteka horien batez besteko zenbatekoa ere eman du aditzera INEk: EAEn eta Nafarroan, hurrenez hurren, 163.326 eta 142.883 eurokoak izan dira hipotekak.