2025eko abuztuaren 25a - 10:39
Nafarroako uztaileko industria prezioak %2,7 handitu dira, aurreko urteko uztailaren aldean. Ekainarekin alderatuta gorakada txikiagoa izan da, %0,2koa, hain zuzen. Nastatek argitaratu berri ditu datuok.
Ondasunen helburu ekonomikoaren arabera, azpimarragarria da energiaren prezio industrialek urtebetean izan duten %6,4ko igoera; ekipo ondasunen prezioek eta kontsumo ondasunen prezioek ere gora egin dute urtebetean, hurrenez hurren, %2,4 eta %1,8. Aldiz, iaz baino zertxobait baxuagoak izan dira uztailean bitarteko ondasunen prezioak, %0,3 jaitsi baitira.
Ekainaren aldean ez da prezioen aldaketa nabarmenik izan, baina azpimarratu beharra dago 2025eko lehen zazpi hilabeteetan, orotara, %17,2 txikitu direla energiaren industria prezioak.