Espainiako Gizarte Segurantza, Inklusio eta Migrazio Ministerioak gaur argitara eman dituen datuen arabera, irailean Espainiako estatuan Gizarte Segurantzako 12.051 milioi euro erabili dira pentsioetarako, iazko epe berean baino %10,9 gehiago.
Uztailean gainditu zen 12 milioi euroko langa lehen aldiz, eta irailekoa inoizko zenbatekorik altuena da. Hala, Jose Luis Escriva ministroak, pentsioen gastua BPGaren %11,7 dela adierazi du, 2022an bezala, eta 2021ean baino zertxobait gutxiago (%12,4).
Halaber, kotizazio bidezko 10.073.434 pentsio ordaindu dira denera irailean, iaz baino %1,2 gehiago, eta 9,12 milioi pertsona izan dira onuradunak. Gainera, urte hasieran pentsioak KPIren arabera igo ondotik, hileko batez besteko erretiro pentsioa 1.376,6 eurokoa izan da, iazko hilabete berean baino %9,5 gehiago.