Irailean industria-ekoizpenak %4,7 hazi egin zen EAEn 2025eko hilabete berarekin alderatuta. Nafarroan, aldiz, %5,5 egin zuen behera. Estatistikako Institutu Nazionalak (INE) argitaratutako Industria Ekoizpenaren Indizearen (IPI) datuek erakusten dute egoera hau. Bi lurraldeetako egoera desberdina da eta Espainiako Estatu osoaren bilakaerarekin ez dator bat. Estatuan urte arteko tasa %2,5 igo da, abuztuan baino 1,2 puntu gehiago, hilabete horretako hazkundea %1,3koa izan zen.
EAEko hazkundea (%4,7) Espainiako Estatuko batezbestekoaren gainetik dago, baina irailean hazkunde handiena izan zuten erkidegoetatik ez dago gertu. Lehena Madril izan zen %8,6ko hazkundearekin eta haren atzean Murtzia (%5,6) , Andaluzia (%5,3) eta Valentziako Autonomia Erkidegoa (%4,8) daude.
Nafarroan egoera beherakoa izan da. Industria-ekoizpena %5,5 jaitsi egin zen irailean, iazko hilabete berarekin alderatuta. Nafarroa izan da jaitsiera handiena izan duen autonomia-erkidegoa. Estatu osoan, hamaika erkidegoetan egin zuen gora industria-jarduerak. Behera aldiz, bostetan, Nafarroa barne.
Gehitu EnpresaBIDEA Google-ren iturri hobetsi gisa doan
Egon zaitez azken berriekin informatuta