LABek Arabako metalgintza sektoreko intersindikalari deia egin dio irailean elkartzeko, SEA patronalarekin izandako negoziazioen “erabateko blokeoaren” aurrean. Sindikatuak lankidetzarako aukerak aztertu nahi ditu, izan ere, egindako bilerak "luzatzen ari dira eta blokeoa erabatekoa da", bere esanetan.
Nahiz eta hirugarren indarra izan mahaian, LABek mobilizazioen ekimena hartu nahi izan du eta zehaztu du ez duela beren erantzukizuna alde batera utziko intersindikala deitzerako orduan.
Bestalde, gogorarazi du joan den martxoan SEA patronalak bere proposamena aurkeztu zuela, "eskubide galera larriak" proposatzen zituena, hala nola lanaldia ez murriztea, egungo 100 orduko malgutasuna 259 ordura handitzea edo aldi baterako ezintasun arrunten osagarria ezabatzea.
LABek gaineratu hilabeteak daramatzala sektorearen alde mobilizatzen, eta argi duela negoziazioaren arrakasta sektorea mobilizatzeko gaitasunaren araberakoa izango dela.
Gehitu EnpresaBIDEA Google-ren iturri hobetsi gisa doan
Egon zaitez azken berriekin informatuta