Eusko Jaurlaritzako Lan eta Enplegu sailak gaur jakinarazi duenez, urtarrilean 3.540 langabe gehiago daude Araban, Bizkaian eta Gipuzkoan (%3,20). Orotara 111.229 pertsona dira langabezian hiru lurraldeetan.
2009tik urtarrilean zenbatutako langabe kopururik txikiena da. Gainera, duela urtebete, 2023ko urtarrilean, 1.676 langabe gehiago zeuden.
Guztiko langabe kopurutik gehiengoak emakumeak dira (64.164). Gizonezkoak, aldiz, 47.065 dira. Sektoreka, langabezian dauden pertsona gehienak (78.624) zerbitzuetakoak dira, beste 10.000 inguru industria sektorekoak eta 6.000 inguru eraikuntzakoak.
Lurraldeka, langabe kopuruak gora egin du urtarrilean Bizkaian (%4,07) eta Gipuzkoan (%3,97). Araban, berriz, langabe gutxiago zenbatu dira azken hilabetean (-%0,69).
Gehitu EnpresaBIDEA Google-ren iturri hobetsi gisa doan
Egon zaitez azken berriekin informatuta