Nafarroako Parlamentuak, PSN, Geroa Bai, Podemos-Ahal Dugu eta I-Eren aldeko botoekin eta EH Bilduren abstentzioarekin, 2023ko ekitaldirako Nafarroako Aurrekontu Orokorrei buruzko Foru Legea onartu du. Navarra Suma izan da kontrako botoa eman duen alderdi bakarra.
5.748 milioi euroko aurrekontuak izango dira. Horietatik 5.238 milioi gastu ez-finantzarioari dagozkio eta 510 milioi gastu finantzarioari (zorraren amortizazioa eta interesen ordainketa). Gastu ez-finantzarioaren mugak, %9,28ko hazkundea izan du 2022koaren aldean, orduan 4.767 milioikoa izan baitzen.
Legeak 347 zuzenketa jasotzen ditu (guztiak PSNk, Geroa Baik, EH Bilduk, Podemos-Ahal Dugu-k eta I-Ek sinatuta, konbinazio desberdinetan) Ekonomia eta Ogasun Batzordean abenduaren 12tik 15era bitartean egindako eztabaidan eginak (707 zuzenketa zenbatu ziren). Baliozkotutako zuzenketen balioa 16 milioi eurokoa da.
2023rako Nafarroako Aurrekontu Orokorrei buruzko Foru Legearen proiektuak, azaroaren 4an tramiterako onartuak, Navarra Sumak egindako osoko zuzenketa gainditu zuen, Gobernuari kontuak itzultzeko babesik gabe.