2023eko azaroaren 7a
Eg.
2024eko otsailaren 1a
Nastatek gaur jakinarazi duenez, Nafarroan irailean %4,2 apaldu da industria produkzioa, iazko epe berarekin alderatuta. Gainera, 2023ko urtarriletik irailera bitartean, iazko epe berean baino %3,3 gutxiago ekoiztu da orotara.
Edonola ere, Nastaten arabera, urte arteko tasari dagokionez, energia ekoizpena kontuan hartu gabe %1,7 apaldu da guztizko industria ekoizpena.
Garraio materialen ekoizpenak egin du gora azken hilabetean (%14,7). Aitzitik, industria metalikoak (-%2,7), bestelako manufaktura industriak (-%4), papera, egurra eta altzariak (-%9,2), nekazaritza elikagaiek (-%9,9), eta batik bat, energiak (-%17,4) egin dute behera.