Nafarroako Estatistika Erakundeak industria-koiunturari buruzko inkesta argitaratu du. Bertan, irailean enpresek industriaren jarduerarekiko duten konfiantza aurreko hilabetekoa baino hobea izan dela ondorioztatu da Industriaren, Giroaren Adierazlearen (IGA) bidez neurtuta. Hilabete horretan, egungo ekoizpen-ahalmena %81ekoa izan da. Aurreko hiruhilekoarekin alderatuz %79 baino handiagoa izan da eta duela urtebete baino puntu bat handiagoa.
Industriako sektoreen portaerak desberdintasunak erakutsi ditu. Hazkundea garraio-materialen, nekazaritzako elikagaien industrian eta produktu metalikoen adarrean nabarmendu da. Beherakada aldiz, industria kimikoan, zurgintza eta altzarigintzan eta papergintza eta inprimaketa sektoreetan izan da.
Kontsumo-ondasunak fabrikatzen dituzten enpresek beren pertzepzioa hobetu dute, bereziki, inbertsio-ondasunen manufakturan aritzen direnek. Iritzi ezkorrena izan duten enpresek bitarteko ondasunak ekoizten dituztenak izan dira.
Tamainaren arabera, enpresa txikiek eta handiek iritzi baikorragoak izan dituzte eta enpresa ertainek, aldiz, aurreko hilabetean baino dinamismo txikiagoa izan dute.
Gehitu EnpresaBIDEA Google-ren iturri hobetsi gisa doan
Egon zaitez azken berriekin informatuta