Euskal Autonomia Erkidegoko esportazioek %47ko igoera izan dute 2022ko ekainean aurreko urteko hilabete berarekin alderatuta. Produktu energetikoak %210,3ko igoera izan dute, eta ez-energetikoek %39,7koa, Eustat Euskal estatistika erakundeak landutako datuen arabera.
Hiru lurralde historikoek hazkunde-tasa positiboak izan dituzte. Araban, igoera %69,6ra iritsi da, Bizkaian %50,2ra eta Gipuzkoan %27,5era. Bizkaian, esportazio ez-energetikoek %31,5eko igoera izan dute, Araban %69,6koa eta Gipuzkoan %27,5ekoa. Esportazio energetikoen kasuan, Bizkaian igoera % 212,5era iritsi da.
Inportazioei dagokienez, igoera %51,8koa izan da. Merkataritza-fluxu hori, gainera, inoizko zifrarik altuenera iritsi da ekainean, aurreko hilabetekoaren gainetik, 2.769,6 milioi euro erregistratu baitira ekainean. Inportazio ez-energetikoek %26,7ko igoera izan dute, eta energetikoek, berriz, %151,7koa.
2022ko ekainean, merkataritza-saldoa positiboa izan da, eta 442 milioi euro ingurura iritsi da. Horrela, beraz, %116,0ko estaldura-tasa ahalbidetu da.
Gehitu EnpresaBIDEA Google-ren iturri hobetsi gisa doan
Egon zaitez azken berriekin informatuta