Euskal Autonomia Erkidegoan inflazioa %3,3ra jaitsi da otsailean, Nafarroan, aldiz, %3an mantendu da. INE Espainiako Estatuko estatistika erakundeak emandako datuen arabera, urtarriletik bi hamarren apaldu da KPIa EAEn eta Nafarroan ez da aldaketarik izan.
Urteko bigarren hilabetean, prezioak %0,4 igo ziren Euskal Autonomia Erkidegoan urtarrilaren aldean, %0,5 hazi dira 2025a hasi zenetik eta %3,3 2024ko otsailaren aldean.
Nafarroari dagokionez, bost hilabetez segidan gora egin du KPIak, eta urtarriletik otsailerako alderaketan, prezioek %0,4 egin dute gora.
INEren arabera, argindarraren garestitzeak eragin du KPIaren azken bilakaera, izan ere, Espainiako Estatuan, orotara, hamarren bat gora egin du urte arteko inflazioak eta %3an kokatu da.
Azpiko inflazioari dagokionean, %2,2an kokatu da otsailean, urtarrilean baino bi hamarren beherago.