Tubos Reunidos enpresa erosteko eskaintzak aurkezteko epearen azken eguna da gaurkoa. Trapagaran eta Amurrion kokatua dagoen enpresa erosteko lehen epea irailaren 14ra artekoa zen, baina luzatu egin zen prozesu honek piztutako interesa dela eta.
Eskaintza hauek bi urteeetan jarduera ekonomikoa mantentzen duen konpromezua eduki behar dute. Aurkezten diren eskaintzetatik, bost hautagai aukeratuko dira. Jakin denez, hamalau konpainiak eskatu dute Tubos Reunidosen berri izatea. Hasieran administratzaileak espero zituen baino gehiagok.
Berria egunkariaren arabera bi euskal konpainiak interesa izan dutela jakin da, zehazki, Sidenor eta Tubacex. Hamalau hautagaietatik zortzi ingurukoak dira, Euskal Herrikoak edo Espainiakoak, eta sei eremu geografiko horretatik kanpokoak.
Jakin denez, eskaintza egin duten enpresek ez dute langileekin hitz egin. Urriaren 15ean lehen galbahea igaro duten eskaintzak zeintzuk diren jakinaraziko zaie langileen ordezkariei.
Bestalde, Tubos Reunidosen zuzendaritzak adierazi du, uztaila eta abuztuan eskariak %41 igo direla 2025eko denbora tarte berarekin alderatuz. Kopuru ekonomikoei dagokienez, % 39 igo dira Amurrion eta % 52 Trapagaranen.
Gehitu EnpresaBIDEA Google-ren iturri hobetsi gisa doan
Egon zaitez azken berriekin informatuta