Ekoizleen lehiakortasuna areagotu, elikagaien katean duten zeregina indartu, eta nekazaritzako industriaren garapena bultzatu asmoz, Eusko Jaurlaritzako Ekonomiaren Garapen, Jasangarritasun eta Ingurumen Sailak Lehiatu Berria programaren edizio berria jarri du martxan.
2022-2023 ekitaldirako, 21.638.939,84 euro bideratuko dira aurreikusitako laguntzak finantzatzeko. Nekazaritzako produktuak eraldatzeko, merkaturatzeko eta garatzeko; basogintzako produktuak eraldatzeko, mobilizatzeko eta merkaturatzeko; arrantzako eta akuikulturako produktuak eraldatzeko eta merkaturatzeko; elikagai ekologikoak eraldatzeko, garatzeko eta merkaturatzeko eta nekazaritza- eta elikagaintza-industrietan bestelako inbertsioak egiteko laguntzak eskainiko dira.
Laguntzak jasotzeko, eskaerak aurkezteko epea zabalik egongo da uztailaren 31 bitarte.
Gehitu EnpresaBIDEA Google-ren iturri hobetsi gisa doan
Egon zaitez azken berriekin informatuta