Iberdrolak eta Asturiasko Exiom enpresa taldeak aliantza bat sortu dute Espainian eguzki plaka fotovoltaikoen fabrikazioa gidatzeko. Hala, bi konpainiek Asturiasko Langreo udalerrian kokatuko dute herrialdeko eraikuntza fotovoltaikoko lehen planta handia eta Europako industria-eskalako lehenetarikoa, 20 milioi euroko inbertsioa ekarriko duena.
Iberdrolak ohar bidez jakitera eman duenez, 2023an bertan jarriko da martxan eta instalazio garrantzitsua izango da eguzki energia erakartzeko. Hain zuzen ere, Europa mailan sektore horren buru izan asmoa du Espainiako lehen fabrika fotovoltaikoa eraikita.
Aurreikusitako inbertsioa 20 milioi eurokoa da, eta 115 lanpostu zuzen sortuko dituela iragarri du konpainiak. Era berean, Exiom fabrikatzaile espainiarra da, Asturiasen bertan sortua, eta Tier 1 fabrikatzaileen zerrendan agertzen den talde europar bakarretakoa.
Bi enpresak etengabe egon dira harremanetan Asturiasko Printzerriko Gobernuarekin, proiektuak eskualdean izango duen eragin dinamizatzailea dela eta.