Bilboko Ingeniaritza Eskolako Industria Ingeniaritza masterreko 12 ikaslek eta Zeanuriko Zulaibar institutuko sail elektrikoko automatizazioko eta robotikako goi mailako 14 ikaslek osatutako talde batek Iberdrolako Barazar zentral hidroelektrikoa bisitatu dute. Jardunaldi hauen helburua energia konpainiaren jarduera sektoreko etorkizuneko profesionalei sustatzea eta ezagutaraztea da.
Ikasleek martxoan zehar egindako bisitetan, Igor Uriarte zentraleko burua eta Diego Ruiz Miranda-Barazar ekoizpen zentroko arduradunaren hitzaldia izan dute. Zentral hidrauliko batek nola funtzionatzen duen azaldu diete, energia berriztagarriko iturri gisa elektrizitatea sortuz. Gainera, turbina geletara jaisteko aukera izan dute, eguneroko funtzionamendua bertatik bertara ikusteko.
Amaitzeko, urtegien eta zentralaren garrantzia azaldu diete ikasleei. Bilboko ura, Arabako Ullibarriko eta Urrunagako urtegietan biltegiratzen da eta Barazarreko zentraletik pasa ondoren iristen da Bizkaiko hiriburura.