Eusko Jaurlaritzako Segurtasun Sailak jakinarazi duenez, bi langile zauritu dira gaur goizean Sestaoko (Bizkaia) Arcelor Mittalen lantegian (ACB altzairutegian), leherketa baten ondorioz, eta Gurutzetako Ospitalera eraman behar izan dituzte. Hamaikak laurden gutxitan gertatu da ezbeharra, oraindik jakin ezin daitekeen arren zehazki zer gertatu den.
Arcelor Mittalek esan du zoritxarrekoa ez dela leherketa baten ondorio izan, baizik eta deskarga elektriko baten ondorio. Izan ere, konpainiak adierazi du Euskoime enpresako bi langileak istripu elektrikoa izan dutela lanean ari ziren bitartean, eta, horregatik, biek ala biek erredurak izan dituztela. Gaineratu dutenez, istripuak ez dirudi larria, baina oraindik ere ez da zaurituen pronostikoaren berririk izan.