CAFek 52 milioi euroko irabaziak izan ditu 2024ko lehen seihilekoan

2.080 milioi euroko fakturazioa eskuratu du Beasaingo enpresak, 2023ko lehen seihilekoan baino %11 gehiago

Argazkia: CAF Argazkia: CAF

52 milioi euro irabazi ditu CAFek urteko lehen erdian, iazko epe berean baino %52 gehiago. Denera, 2.080 milioi euroko fakturazioa eskuratu du Beasaingo enpresak, 2023ko lehen seihilekoan baino %11 gehiago. Dena den, autobusen saileko salmentak %3 murriztu dira, 433 milioi euroraino.

Fakturazio osoaren %79 trengintza sektoreko salmentak izan dira, eta %21 autobus sektorekoak. Hala, Solaris filialak lortutako emaitzek eragin dute Goierriko konpainiaren datu onak.

Aurtengo lehen seihilekoan 725 entregatu dituzte, eta horietatik %40 elektrikoak, bateriazkoak edota hidrogenozkoak izan dira, konpainiaren arabera.

2024 amaieran salmentak %10 handitzea espero du CAFek, egun duen 13.843 milioi euroko eskari zorroari esker. Solarisen entrega kopurua areagotzea aurreikusten dute urteko bigarren erdian, eskari poltsan ia 2.000 autobus baititu filialak.

Gaurko nabarmenduak
irakurrienaK