Carnegie Technologies enpresa australiarrak akordioa egin du Biscay Marine Energy Platform (BiMEP) izeneko EAEko itsas energien saiakera zentroarekin. Australiako konpainia liderra da mundu mailan olatuen energia-teknologiaren garapenean, eta hitzarmenaren harira, 6MWko potentziako frogak egingo dira gailu bati esker, Armintzako (Bizkaia) euskal kostaldean.
Zehazki, CETO prototipo bat instalatuko da BiMEPen datozen hilabeteetan, bi urteko luzera izango duen saiakera egiteko helburuarekin. Saiakera horietan erabiliko den CETO izeneko teknologiak itsasoko energia berriztagarria sortzeko balio du. Izan ere, teknologia gailua itsas hondoan ainguratzen da, eta olatuen mugimenduarekin energia berriztagarria sortzen du, ingurumen inpaktu txikia izanik.
BiMEP itsas energien saiakera zentroa ekimen publikokoa da, %75eko partaidetza baitu Energiaren Euskal Erakundeak (EEE) eta %25ekoa Energia Dibertsifikatzeko eta Aurrezteko Institutuak (IDAE). Proiektua Europewave Europako ikerketa- eta garapen-ekimenaren baitan kokatzen da.