Navarra Capital egunkariak jakinarazi duenez, Datuak Prozesatzeko Zentroak (DPZ) eraiki nahi dituzte hiru enpresek Nafarroako Erriberan. Hiru konpainiek jada aurkeztu dizkiote bermeak Nafarroako Gobernuari, baita sare elektrikorako sarbidea eskatu ere. Enpresak eta administrazioa adostasunera iristen badira, konpainiek beharrezko baimenak eskuratu beharko dituzte.
Hiru enpresetatik bat Nafarroakoa omen da, zeinak Ribaforadan eta Tuteran eraiki nahi dituen bi zentro. Eraikin bakoitzarentzako 50 megawatteko (MW) potentzia eskatu du. Madrilekoa da interesa erakutsi duen beste enpresetako bat, eta Valtierran (bi DPZ) zein Arguedasen (DPZ bat) kokatuko lirateke. Seigarren zentroari buruz argitaratu den datu bakarra da 132 MWeko potentzia beharko lukeela.
DPZ proiektuak egiteko eskaerak areagotu edo gutxitu egin daitezke datozen asteetan; kalkuluen arabera, eskatutako MW bakoitzeko 10 milioi euroko inbertsioa egin behar da.