Elecnorrek 27,1 milioi euroko irabazi garbiekin amaitu zuen urteko lehen hiruhilekoa, hau da, %8,1eko igoera izan zuen aurreko urteko aldi berarekin alderatuta. Ustiapeneko emaitza gordina (Ebitda) ere %6,6ra igo zuen konpainiak, 58 milioi eurora iritsi arte; negozio-zifra, berriz, %3,7 hazi zen, 930,8 milioira iritsita.
Hurrengo hamabi hilabeteetarako ekoizpen-zorroa 2.997,7 milioi eurokoa izan zen, %5,4ko hazkundearekin eta nazioarteko merkatuaren pisu handiarekin. Arloka, zerbitzuen segmentua nabarmendu zen salmentetan %14ko igoerarekin eta Ebitdan %13,8koarekin; proiektuen segmentuak, berriz, diru-sarrerak %9,8 murriztu zituen, baina errentagarritasuna hobetu zuen.
Bestalde, Celeo filialak 2,9 milioi euro lortu zituen, iaz baino %32,9 gutxiago; konpainiaren arabera, hori gertatu da peso txiletarrak dolarrarekiko izan duen balio-galeraren ondorioz, besteak beste. Azkenik, konpainiak dibidenduen aurreikuspenari eutsi diola jakinarazi du, eta akzioko 0,417 euroko ordainketa osagarria egingo du 2025eko emaitzen kontura.