Iruñeko eta inguruko herrietako Glovoko langilerentzat egun berezia behar zuen gaur, ordezkari sindikalak hautatzeko lehen hauteskundeena alegia izaten ari dira. Aitzitik, bozketa atzeratu behar izan dute erroldarekin desadostasunak medio.
Printzipioz, 286 langile ziren deituta bozkatzera, eta 13 ordezkari hautatu behar zituzten enpresa batzorderako, CCOOk emandako zifren arabera. Baina UGTk epaileari eginiko eskaera aintzat hartu du hark, eta baliteke azkenean bederatzi ordezkarira jaitsi behar izatea. CCOOk ohar bitartez esan duenez,"arazoa erroldaren interpretazioan dago, sindikatuen eta kontrol organoaren beraren artean desadostasunak baitaude".
CCOOk esandakoaren arabera, hauteskundeak egiteko errolda berria osatu beharko da, eta horretarako Glovok kontratatutako langile zerrenda berritu. Horren arabera finkatuko da noiz egiten den galdeketa. Bien bitartean, astelehenean bilduko dira ikusteko zer egin posta bitartez jaso diren "dozenaka botorekin".
Enpresa batzordearen sorrera duela urtebete inguru langileak legepeko bihurtu osteko legezko pausoa da, "langileak besteren konturako lanean aritu eta ordaintzaile bakarra dutenean, ordezkaritza eta erakunde sindikalerako eskubidea" baitute, Nafarroako CCOOren hitzak erabilita.