Kaliforniako Unibertsitateko 60 ikasle Iberdrolaren Bilboko Global Smart Grids Innovation Hub zentroan izan dira bisitan. Izan ere, zentroa, sare adimendunetako mundu mailako berrikuntza gune gisa, beraien prestakuntzaren parte da. Ikasleen gehiengoa jada lan munduan murgilduta dago, baina, AEBko unibertsitatean egindako ikasketengatik, Europako hainbat sektoretako enpresa liderrak eta erreferenteak bisitatzen dituzte, euren negozioak nola garatzen dituzten bertatik bertara ezagutzeko. Kasu honetan, energia banatzeko negozioan trantsizio energetikoarekiko konpromisoaren adibide gisa hautatutako enpresetako bat izan da Iberdrola.
Sektoreko enpresen arteko lankidetza adibideak eskaini dizkie Iberdrolak ikasleei, eta horietan berrikuntza adimendunen etorkizuneko erronkei aurre egiteko funtsezko palanka dela erakutsi diete. Era berean, zentroak punta-puntako teknologiaren garapena errazteaz gain, bazkideen lankidetzari esker, talentua erakartzeko gunea dela ere azaldu diete.
Izan ere, Iberdrolaren Global Smart Grids Innovation Hub-a, Bilbon kokatua, sare adimendunen berrikuntzaren eta ezagutzaren mundu mailako zentroa da, trantsizio energetikoaren erronkei erantzuten laguntzen diena. Bizkaiko Foru Aldundiarekin lankidetzan, berrikuntza bultzatzeko plataforma gisa jarduten du, Iberdrolaren gaitasun teknologikoa 91 erakunde eta enpresa laguntzailerekin konbinatuz.
Iberdrolaren Sare Negozioak, zentroarekin batera, berrikuntza sustatzeko ekosistema bat sortu du, talentua unibertsitateekin lankidetzan garatuz, ikasleei aukerak eskainiz, eta etorkizuneko profesionalak prestatuz.
Ekimenak etorkizuneko sare elektrikoen erronkekin lotutako I+G+b proiektuen garapenean 200 profesional baino gehiagok duten potentzial berritzailea biltzen du, besteak beste, digitalizazio handiagoa, azpiegitura horiek sortzen dituzten datuen tratamendua, eta sare elektrikoak kontsumo eredu berriei –hala nola mugikortasun elektrikoari eta autokontsumoari– emandako erantzuna, sendotasunari eta malgutasunari dagokienez.
Halaber, zentroa merkatura bideratutako lankidetzarako gune teknologikoa ere bada, non nazioarteko talenturik onena hornitzaileekin, start-upekin eta unibertsitateekin harremanetan egongo den beti, bere gaitasun industriala suspertzeko eta berrikuntza prozesuak bizkortzeko.
Trantsizio energetikoaren buru izateko nahia
Iberdrolak trantsizio energetikoaren buru izaten jarraitu nahi du, banaketa sareetan negozio eta eredu teknologiko berriak garatuz. Sistema elektrikoak aurrekaririk gabeko eraldaketa bizi du, eta sareak energia iraultzaren giltzarri bihurtu dira. Ezinbesteko plataforma da karbonorik gabeko ekonomia baterantz aurrera egiteko, iturri berriztagarri gehiago, mugikortasun iraunkorra, hiri adimendunak eta autokontsumoa izango dituen sistema elektriko bat garatzen lagunduko duena.
Global Smart Grids Innovation Hub sortuz, taldeak sare adimendunetako berrikuntza proiektuak bikoiztu nahi ditu, ekipo elektrikoen fabrikatzaileekin lankidetzan aritzeko egungo arrakasta eredua sendotuz eta zabalduz. Horretarako, konpainiak 120 proiektu baino gehiago identifikatu ditu hasieratik, etorkizunean 130 milioi euroko balioa izango dutenak.
Hub honek bere ibilbidea hasi zuenetik, Iberdrolaren Espainiako sarean guztira 42 milioi euroko inbertsioa egin den I+G+B proiektuak burutu dira. Gainera, 91 bazkide teknologiko baino gehiagorekin akordioak lortu ditu sareak digitalizatzeko, berriztagarriak integratzeko, ibilgailu elektrikoa hedatzeko, eta energia biltegiratzeko sistemak garatzeko.