Kontsumobide Kontsumoko Euskal Institutuak Ana María Sánchez Herráez izendatu du zuzendari berri, Tontxu Rodríguezen ordezko gisa.
Sánchez EHUn lizentziatu zen 1995. urtean, Zuzenbidean; abokatu lanetan eta datuen babesaren aholkularitza juridikoan lan egin izan du, eta lan baldintzak negoziatzeko lan-aholkularia ere bada.
Lehiaren Euskal Agintaritzan aldaketak
Pasa den astean Rodríguez (ordura arte, Kontsumobideko zuzendaria) Lehiaren Euskal Agintaritzako (LEA) zuzendaritzako batzordekide izatera pasa zen, Enara Verturini ordezkatuta. Beste izendapen batzuk ere izan dira zuzendaritzan: Miren Goitia Gabiola sailburuorde ohiak ordezkatu egin du Joseba Andoni Bikandi Arana, LEAko zuzendari gisa.
Goitia ere zuzenbidean lizentziatu zen, eta bere ibilbide profesionalaren zati handia Eusko Jaurlaritzako hainbat departamentutan egin du, sailburuorde izatera iritsita.
