Nabaria da Donostiako Eskuzaitzetako Mubil poloaren hazkunde fasea. Mugikortasun Adimendun eta Iraunkorreko Zentroa urte pasatxo inauguratu zen, eta hainbat eta hainbat enpresa finkatu dira jada, baina oraindik ere azpiegiturak are handiagoak egingo dira.
Mubil Business Center eraikin berria da horren adibide. Krean-ek garatu du eraikuntza berriaren oinarrizko proiektua eta exekuzio proiektua, obra egiteko lizentzia lortu eta Gipuzkoako Foru Aldundiaren onespena jaso ostean. Aurreikuspenen arabera, behin obrak lizitatuta urtearen amaierarako eraikitzen hasiko dira 7,5 milioi euroko inbertsioa beharko duen eraikina.
Azpiegiturak 4.500 metro karratuko azalera izango du, non kokatu ahal izango diren hazkunde fasean dauden mugikortasun adimendun eta iraunkorraren alorreko enpresak. I+G laborategiak, bulegoak eta espazio teknikoak ere izango dira bertan, enpresek euren soluzioak garatu ditzaten, ondoren nazioarteko merkatura bideratzeko.
Gehitu EnpresaBIDEA Google-ren iturri hobetsi gisa doan
Egon zaitez azken berriekin informatuta