2026ko maiatzaren 14a - 11:59
Eg.
2026ko maiatzaren 14a - 12:02
Mikro-maileguak eta gizarte-maileguak bultzatzera 150 milioi euro bideratuko ditu Laboral Kutxak, Europako Inbertsio Funtsarekin (EIF) sinatutako berme-akordio berri bati esker. Jakinarazi dutenez, InvestEUk babestuko du akordioa, bere Inbertsio eta Gaitasun Sozialen Programaren barruan baitago.
Hala, Mondragon taldeko kooperatibak 7.000 mikroenpresa eta gizarte-enpresa finantzatu ahal izango ditu, 2 milioi eurorainoko maileguekin eta 50.000 eurorainoko mikro-maileguekin.
Ez da EIFek eta Laboral Kutxak sinatzen duten lehen akordioa, 2023. urtean beste akordio bat adostu baitzuten. “Bi erakundeek ekintzaile txikiei eta enpresa sozialei laguntzeko duten epe luzeko lankidetza-hitzarmena indartzen du akordioak”, adierazi dute.