Kosmetika produktuak ekoitziko dituen dibisioa sortu du Mirai funtsak

Mirai Investments funtsak Labery izeneko dibisio bat sortu du. Konpainia berriaren helburua izango da kosmetika produktuak ekoiztea, formulazio kimikotik hasi eta ontziratze prozesura arte. Hala, Laberyk beste enpresa batzuei salduko dizkie sortutako produktuak, eta aurreikuspenen arabera, 2026an 25 milioi euro baino gehiago fakturatuko ditu.

Zehazki, Ternum, Cosmeprint, Laboratorios Coper eta Jumsa arduratuko dira Labery dibisioaz; Kataluniako Ternum, ordea, duela gutxi erosi zuen Miraik. Bartzelonan dago kokatuta, eta 30 urteko ibilbidea du konpainiak kosmetika produktuen ekoizpenean eta zaintza pertsonalean. “Laberyren berrikuntza- eta garapen-motorra izango da Ternum”, baieztatu dute Miraikoek.