Osasunari eta ongizateari gero eta garrantzia gehiago ematen zaiola dirudi. Seafood proiektu berriaren helburua hori da, behintzat: adinekoen ongizatea hobetzea, horretarako elikagai bereziak garatuta. Hiru sektoretako eragile eta enpresak bildu dira ekimena aurrera eramateko, Eusko Jaurlaritzaren Hazitek 2025 programaz baliatuta proiektua finantzatzeko.
Zehazki, elikagaien sektoreak, soziosanitarioak eta teknologikoak egin dute bat ekimen berrian. Izan ere, plater prestatuen sukaldaritzan espezializatzen den Ausolan Taldea da buru, eta Eroskik, esnekiak prestatzen dituen Vascolacek, adinekoen arretan zentratutako DomusVikek, Tecnalia ikerketa zentroak eta Basque Food Cluster elkarteak parte hartzen dute. Eragile guzti horien artean “osasun kognitiboan eta mentalean eragina duten mantenugaiak, konposatu aktiboak eta osagaiak” ikertuko dituzte, eta, hala, adinekoen beharretara egokitutako elikagaiak sortzean jarriko dute fokua.
Senifood proiektuko kideek jakinarazi dutenez, egitasmo berriaren bitartez espero dute aurrerapenak egitea “zahartzeari eta narriadura kognitiboaren prebentzioari buruzko ezagutzan”, baita adinekoen bizi-kalitatea hobetzen lagunduko duten “dieta pertsonalizatuak garatzea” ere.