
Orain arteko Nvidia konpainiaren balorazioak gehiegizkoak iruditu arren, izan dituen mozkinak ikustea besterik ez dago merkatuetan izan duen bilakaera arrazoitzeko. Aurreko urtean %50eko mozkinak lortzeko ahalmena izan zuen, inoiz punta-puntan izan den hazkunde azkarreko konpainia teknologiko batek lortu ez duena. Kapitalismoak ondo funtzionatuko balu, mozkinen zati bat hartzeko prest legoken norbait azaltzeak zenbakiok suspertuko lituzke. Badirudi hori egikaritu dela.
Txina eta AEBen arteko tentsioa edozein aurrerapenentzat galga da. Baina, batzuentzat, mesedegarria bilakatu daiteke. Nvidiak astelehenean izandako jaitsieraren zati bat errekuperatu du. Itxuraz kaltea handiagoa izango da AArentzat datu zentroak mantentzeko energia-indar gehigarria hornitzen duten energia enpresentzat. Aldiz, Nvidiaren bezeroak diren heinean, beste zazpi bikainak izango dira onuradun handienak, epe luzerako azpiegituretan faktura merketuko zaielako.
Nvidiak astelehenaean izandako jaitsieraren zati bat errekuperatu du. Itxuraz kaltea handiagoa izango da AArentzat datu zentroak mantentzeko energia-indar gehigarria hornitzen duten energia enpresentzat
DeepSeekek dioena egia bada eta mailaz azpiko Nvidia prozesadoreak erabiliz AAerako erreminta irmoa eskaintzen badu kode irekian eta kostu merkeagoan, ehundaka imitatzaile inspiratuko lituzke batez ere AEBen. Hor egon daiteke Nvidiaren galera iturria, eta ez, derrigorrez, DeepSeeken garaipena.
Durangotik Abadiñora otsailaren 3an San Blas feriara ostera egiteko ez da Ferrari bat gidatu behar; denbora berdinean, erosoagoa eta askoz merkeagoa den Dacia batekin egin daiteke joan-etorria. Zentzuzko pentsamendu hori orokortuz gero, Nvidiak zail izango du jasan zuen billoi eta erdiko kolpetik errekuperatzea.
DeepSeek agertu aurretik, azken hiruhilabeteetan nabaritzen ari den tendentzia ikus ziteken: akzioetan mozkinen hazkundea ez dagoela zazpi bikainen eskuetan bakarrik
DeepSeek agertu aurretik —urtarrilaren 20an plazaratu zen, Trumpen kargu hartze egunean—, azken hiruhilabeteetan nabaritzen ari den tendentzia ikus ziteken: akzioetan mozkinen hazkundea ez dagoela zazpi bikainen eskuetan bakarrik. Merkatua zabaldu egin da, eta kapitalizazio txiki eta partaideek pisu berdina duten burtsa indizeek portaera hobea izan dute merkatuetan teknologia enpresa erraldoiek baino. Tendentzia horrek oraindik darrai; dirua merkatuan bertan biraka dabil.
Eraginik izango du Trumpentzat DeepSeek agertzeak?
Nahiz eta ondorio zehatzak zeintzuk izango diren zehaztea lan nekeza edo ezinezkoa dela jakin, AEB eta Txinaren arteko erlazio zailean eragina izango duela pentsatu daiteke. Ondorioztatu daitezken emaitzak hiru dira:
-
Politika fiskal malgu sutsuagoak ezartzeko aukerak handiagotu egingo dira
-
AEBek Txinarekiko kontentzio politikan neurriak areagotu egingo dira, ikusita ez dutela halako lidergotza teknologikoa
-
Trumpen bigarren legealdiak planteatzen dituen politikak ezingo dira hain kaltegarriak izan, Txinarentzat izan ezik, gainontzeko herrialdeen kasuan ikusi delako AEBeko ahultasuna hazkundea mantentzeko.
Europara begiratuz
Euroguneko akzioak AEBkoen azpitik ibili dira azken 17 urteetan. Trump boterera heltzeaz batera, tendentzia hori areagotu egin da. Azken asteetan stoxx50 indizeak errebotatu egin du ostera. Ezinezkoa da aurreikustea tendentzia aldaketa bat dagoen. Bank of America Corpek mundu mailako funts kudeatzaileen artean egindako galdeketa baten ondorioztatu da eurogunearekiko (merkatuekiko) ikuspegi positiboa dutela. Baikortasun hori areagotu egin da ikusita Trumpek Europar Batasunari (EB) muga-zerga berriak ezartzeko dituen zailtasunak. Trump boterera bueltatu eta segurtasunaren alorrean inbertsioak gehitzeko ekar ditzakeen eskakizunen ondorioz, armagintza sektorean rallya ematen ari da.
Euroguneak dituen erronkak ez dira nolanahikoak; eskuin muturrari aurre egitetik, euroguneko muin diren Frantzia eta Alemaniaren arteko politika fiskal talkak lausotzeraino. Bi bat etortze nagusi daude Trumpen legealdi honek eurogunean izango duen eraginei buruz: Trumpen bueltarekin Alemaniaren lehiakortasunari buruzko zalantzak handiagotu egingo direla; eta AEBek egikarituko duen desregulazio prozesuak eta ezarri ditzakeen muga zergek Europako lehiakortasuna mehatxatzen dutela.
Euroguneko akzioak AEBkoen azpitik ibili dira azken 17 urteetan. Trump boterera heltzeaz batera, tendentzia hori areagotu egin da
AEBeko Erreserba Federalak interes tasak luzerako altuago mantenduko dituela uste denez, Europako Banku Zentralak bere interes tasak askoz gehiago jaistea zailago izango du. Urte bukaerarako ozta-ozta %2aren azpitik izango direla uste da (gaur hilabete bat baino %0,5 altuagoak).
Beraz, zergatik dute funts kudeatzaileek europar akzio eta indizeekiko ikuspegi positiboa? Europako akzioak merke daudelako. Presio eta mozkin ratioa kontutan hartuz, Europa merke dago.

Europaren arazoa zera da: momentu honetan mundu mailan ekonomia hazkundea burutzen ari den sektorean enpresa lehiakor gutxi dituela. Normala da europako merkatuek dituzten mozkinen multiploen ratioa (presio/mozkinak) baxuak izatea.
Europan konfiantza galdu dela argi dago eta 2024an nabarmenagoa izan zen. Aurreko urtean Europako merkatuak AEBekoekin alderatuz (dolarretan neurtua) %40ko deskontuarekin salerosi ziren (presio/mozkinen arabera). Alemania dago arazoaren erdigunean. Aintzat hartuta mozkinak kalkulatzen direla erreferentzia puntutik hamar urte atzera eginez ordutik izandako batez bestekoa eginez —CAPE neurria—, Alemaniaren presio/mozkin ratioa 25 urtekoa izanik, Alemania AEB baino garestiagoa zegoen. Segurua da, beraz, Europa bere osotasunean eta Alemania konkretuki merke daudela, arrazoia dena delakoa izanik ere.